Гюндоган дубль қайд этган баҳсда "Сити" "Вест Бромвич"ни йирик ҳисобда мағлубиятга учратди

Англия Премьер-лигаси 20-турида "Манчестер Сити" "Вест Бромвич" билан баҳс олиб борди ва йирик ҳисобда ғалаба қозонди.

Ўйин "шаҳарликлар"нинг ҳужумлари остида ўтди. 6-дақиқада Илкай Гюндоган рақиб дарвозасига тезкор голни жойлаб қўйди. 22-дақиқада Жоау Канселу жарима майдони ташқарисидан зарба йўллаб, голлар сонини иккитага етказди. 8 дақиқадан сўнг, Илкай Гюндоган дублни расмийлаштирди. Биринчи бўлимга қўшиб берилган дақиқаларда Рияд Маҳрез рақиб дарвозабонини доғда қолдирди. 57-дақиқада Раҳим Стерлинг очиқ қолган дарвозани ишғол қилди ва ўйинга сўнгги нуқтани қўйди.

Ушбу ғалабадан сўнг, "Сити" 19 та ўйинда 41 очко тўплаб, 1-поғонага кўтарилиб олди, "Вест Бромвич" эса 20 ўйинда 11 очко билан 19-ўринда қолди.

Ўйин сайтимиз орқали матнли трансляция қилинди.

{game}3411543{/game}