Гвардиола хато қилганини тан олди

Хабарингиз бор, Гвардиола бошчилигидаги "Манчестер Сити" жорий мавсумда қониқарсиз натижалар қайд этмоқда. Клубнинг асосий футболчилари эса бир неча ойдан буён жароҳатлар сабаб майдонга туша олишмаяпти. АПЛнинг сўнгги турида "шаҳарликлар" "Брентфорд" билан 2:2 ҳисобида дуранг натижани қайд этди. Шундан сўнг испаниялик мутахассис ўтган ёзги трансферлар ойнасида шахсан ўзи клубга янги ўйинчиларнинг трансферини хоҳламагани ҳақида гапирди.

"Клуб ёзда мендан трансферлар ҳақида сўради. Бироқ, мен ҳеч ким билан шартнома имзолаш керак эмаслигини айтган эдим. Бироқ, мавсум давомидаги жароҳатлар туфайли қишда буни қилишимиз кераклигини тушуниб етдим"- деди 53 ёшли бош мураббий. 

Маълумот учун, клуб мутасаддилари қишги трансферлар ойнасида ҳамюртимиз Абдуқодир Ҳусанов, "Палмейрас"дан Витор Рейс ҳамда "Айнтрахт"дан Омар Мармуш каби футболчиларни ўз таркибига қўшиб олишга яқин турибди.