Гвардиола даврида янги рекорд: "Манчестер Сити" миллий кубокларда 13-маротаба ярим финалда

"Манчестер Сити" Англия Лига Кубоги 1/4 финалида "Брентфорд"ни 2:0 ҳисобида мағлуб этди.

Бу натижа Хосеп Гвардиола жамоани бошқариб келаётган даврда яна бир тарихий кўрсаткични қайд этишга имкон берди. Испаниялик мураббий 2016 йилдан бери "шаҳарликлар"ни миллий кубоклар доирасида 13-маротаба ярим финалга олиб чиқди. Бу Англия клублари орасида мутлақ рекорд ҳисобланади.

"Манчестер Сити" Гвардиола қўл остида Лига Кубоги ярим финалига қуйидаги мавсумларда чиққан:
2017/18, 2018/19, 2019/20 ва 2020/21.

Англия Кубогида эса жамоа ярим финалга 2016/17, 2018/19, 2019/20, 2020/21, 2021/22, 2022/23, 2023/24 ва 2024/25 мавсумларда йўл олган.

Қайд этилишича, "Сити" Гвардиола бошчилигида Лига Кубоги ярим финалига чиққан ҳар сафар ушбу мусобақани қўлга киритган. Англия Кубогида эса бу босқичдан кейин ҳозиргача икки марта чемпион бўлган.