Гринвудга испан гранди қизиқмоқда

Франциянинг "Марсель" клуби вингери Мэйсон Гринвуд "Атлетико Мадрид"га кўчиб ўтиши мумкин.

Хабарларга кўра, "матрасчилар" аллақачон "Марсель" билан боғланиб, Гринвудни сотиб олиш ниятида эканини маълум қилган. Гринвуднинг ўзи эса тўп клублардан тушаётган таклифларга қарамай, клубини тарк этишни режалаштирмаяпти. Манбага кўра, 24 ёшли футболчининг хариди "Атлетико" учун 100 миллион еврога тушиши мумкин. Футболчининг француз клуби билан амалдаги шартномаси 2029 йилнинг ёзида якунига етади.

Маълумот учун, англиялик футболчи барча мусобақаларда 25та учрашувда майдонга тушиб, 19та гол ва 6та голли узатмани ўз ҳисобига ёздириб қўйди.