Гарначо: "Болалигимда "Челси"га мухлислик қилардим"

Лондоннинг "Челси" клуби сафига "Манчестер Юнайтед"дан келиб қўшилган Алехандро Гарначо "аристократлар"нинг азалий мухлиси эканини тан олди.

"Болалигимда АПЛ ўйинларини кузатганман. Азарнинг ўйинини томоша қилиш менга ёқарди. "Челси"ни қўллаб-қувватлардим. Ўшанда Эден мен учун намуна эди. У туфайли бу позицияни танладим", - дея аргентиналик футболчининг сўзларини келтирди клуб матбуот хизмати.

Эслатиб ўтамиз, Алехандро ёзги трансферлар вақтида "қизил иблислар"ни Лондон клубига алмаштирган эди. 21 ёшли вингернинг трансфери "Челси"га 46 миллион еврога тушган. Аргентиналик футболчи "пенсионерлар" билан 2032 йил июнь ойи охиригача мўлжалланган узоқ муддатли меҳнат шартномасини имзолади.