Футзал Европа чемпионати. Бугун ярим финал ўйинлари бўлиб ўтади

Латвия, Литва ҳамда Словения мезбонлигида ўтаётган Европа чемпионати ўзининг якуний палласига етиб келмоқда.

Бугун мусобақанинг ярим финал беллашувлари бўлиб ўтади. Дастлаб, мусобақанинг асосий фаворитларидан бири Испания терма жамоаси Хорватияга қарши майдонга чиқади. Учрашув Тошкент вақти билан соат 21:00да старт олади. Ярим финалнинг иккинчи баҳсида эса, Португалия ҳамда Франция терма жамоалари финал йўлланмаси учун беллашади. Ўйин тунги соат 00:30да бошланади.