Биатлон бўйича 5 карра олимпиада чемпиони франциялик Мартен Фуркад учун мавсум якунланди. Франция чанғи спорти турларининг ижтимоий тармоқдаси саҳифасида маълум қилинишича, биатлончи Холменколленда ўтадиган жаҳон кубогининг сўнгги босқичида стартга чиқмайди.
Мартен айни вақтда жамоадошлари қатори Норвегияга йўл олган, бироқ пойгалар вақтида мураббийлар билан ёзги машғулотлар ва жорий мавсумда йўл қўйилган хатолар устида бош қотиради. Жаҳон кубогининг сўнгги босқич пойгалари 21-24 март кунлари Норвегиянинг Холменколлен шаҳрида бўлиб ўтади.
Изоҳлар (0)
Ҳозирча изоҳлар йўқ