"French Open": Рожер Федерер ва Рафаэль Надаль ярим финалда ўзаро тўқнашади

Швейцариялик теннисчилар Рожер Федерер ва Стэн Вавринка Париж шаҳрида ўтаётган "Ролан Гаррос" мусобақасининг чорак финалида ўзаро куч синашди.

"Катта дубулға" туркумига кирувчи Франция очиқ биринчилигининг ушбу ўйинида Рожер 7:6, 4:6, 7:6, 6:4 ҳисобида муваффақиятга эришди.

Шу тариқа Федерер мазкур турнирнинг ярим финал босқичида испаниялик Рафаэль Надаль билан рақобатлашадиган бўлди.