Франческо Тотти: "Майдонга қайтаманми?! Барча нарса рўй бериши мумкин"

Италия футболи ва "Рома" клубининг тирик афсонаси Франческо Тотти 48 ёшида яшил майдонга қайтишини истисно этмади. 

"Яқинда мен билан боғланишди. Ҳаётда сиз ҳеч қачон "ҳеч қачон" дея олмайсиз. А Серия сиздек футболчиларни яна қабул қилишга тайёр. Майдонда сизни яна кўришимиз фақат қувонч бағишлайди.

Аммо чемпионатда ўйнаш учун жуда яхши машқ қилишим керак. Сўнгги пайтларда А Сериянинг баъзи клублари менга қизиқиш билдиришди. Бу чамаси бир ойлар олдин содир бўлди ва бу ҳолат мени  яхши маънода бироз ақлдан оздирди. Шунда ўйлаб қолдим: Салкам 50 ёшни қаршилаган бўлсанг-у, лекин ҳали-ҳамон ҳурмат ва иззатда бўлсанг, бундай ортиқроқ бахт йўқ менимча", - деди "Рома"нинг собиқ сардори.