Флориан Вирц нега “Ливерпуль”ни танлади? Асосий омил аниқланди

Янги мавсумда "Байер" ярим ҳимоячиси Флориан Вирц "Ливерпуль" сафига ўтиши мумкин. Томонлар трансфер юзасидан музокара олиб бормоқда.

Журналист Кристиан Фалкнинг маълум қилишича, Вирцнинг қарор қабул қилишдаги асосий сабаби — янги бош мураббий Арне Слот унга жамоада "ўнчи рақам" (playmaker) ролини таклиф қилгани бўлган.

"Флориан учун ҳал қилувчи омил — Арне Слот унга "Ливерпуль"да ҳужумни бошқарувчи асосий фигура сифатида қараётгани бўлди.

Агар у "Бавария"ни танлаганида, бу ролни Жамал Мусиала билан бўлишишига тўғри келарди. Мураббийлар билан бўлган музокаралар ҳал қилувчи аҳамиятга эга бўлди" – деди Кристиан Фалк.