Флик ғалабадан кейин жамоанинг “пўстагини қоқадиган” бўлди

Испаниянинг амалдаги чемпиони “Барселона” Ла Лиганинг янги мавсуми илк учрашувида сафарда “Мальорка” билан куч синашиб, рақиб дарвозасига жавобсиз учта тўп юборди.

Бироқ учрашувнинг  39-дақиқасигача каталонияликлардан икки футболчи қизил карточка олиб, майдондан ҳайдалди.

Жамоа бош мураббийи Ханс-Дитер Флик бу борада фикр билдириб, шогирдларининг ўйини умуман ёқмаганини таъкидлади.

- Менга ўйин ёқмади. Муҳим уч очкони олдик, лекин ўйиндан умуман қониққаним йўқ. Икки тўп билан олдинда бориб, иккита қизил карточка ишлаб олдик, кейин жамоа ўз имкониятларининг ярмида ўйнай бошлади. Мен бу масалани жамоа билан яхшилаб гаплашиб оламан. Чунки ҳолат менга ёқмади.

Жамоа тўпни ва учрашувнинг боришини назорат қилиши шарт ва шу билан бирга гол ҳам уриши керак. Биз тўққизта футболчи билан тўлиқ таркибга қарши 50-60 фоиз ҳам ўйнай олмадик, - деди Ханс-Дитер Флик.