Флик бир ўйинчидан воз кечди
- 17-июл 2025, 06:51
- Zohir Toshxo’jayev
- 0
- Футбол
Испаниянинг амалдаги чемпиони “Барселона” бош мураббийи Ханс-Дитер Флик янги мавсумда 33 ёшли ярим ҳимоячи Ориол Ромеуга имконият бермайдиган бўлди.
Тажрибали ўйинчи ўтган мавсумда “Жирон”га ижарага берилган эди. Янги чемпионатда ҳам бу футболчи ўйин амалиётисиз қолиб кетадиган бўляпти.
Marca нашрининг маълум қилишича, Каталония клуби раҳбарияти Ромеу билан бир йилдан кейин якунланадиган шартномани узайтирмасликка қарор қилган. Бундан ташқари, мутасаддилари бу ўйинчи билан амалдаги битимни муддатидан аввал бекор қилиш бўйича иш олиб боряпти.
Манбага кўра, Ромеуга “Жирона” бош мураббийи Мичел Санчес етарли даражада ўйин амалиёти беришга тайёр.
Ромеу 2004 йилда “Барселона” тизимига қўшилган. 2011 йили испаниялик ярим ҳимоячи “Челси”га ўтган. Кейинчалик “Саутгемптон” ва “Жирона” да ўйнагач, 2023 йили яна “Барселона”га қайтиб келган эди.