ФИФА ЖЧ-2026'нинг расмий тўпини тақдим этди!

Халқаро футбол федерацияси (ФИФА) 2026 йилги Жаҳон чемпионати учун расмий тўпни намойиш этди. Мусобақага АҚШ, Канада ва Мексика давлатлари мезбонлик қилади.

Тўп дизайнида қизил, кўк ва яшил ранглар қўлланилган бўлиб, улар мезбон мамлакатларни рамзий маънода ифодалайди. Тўпнинг номи — "TRIONDA".

2026 йилги мундиалда илк бор 48 та миллий жамоа иштирок этади. Улар 12 та гуруҳга ажратилиб, ҳар бир гуруҳда 4 тадан терма жамоа майдонга тушади. Плей-офф босқичига гуруҳда дастлабки икки ўринни эгаллаган терма жамоалар, шунингдек, учинчи ўринни олган энг яхши 8 та жамоа йўл олади. Бундан ташқари, Жаҳон чемпионати тарихида илк бор янги босқич — 1/16 финал жорий этилади.