Файзуллаевни йўқотмаслигимиз керак!

Охирги икки мавсум Аббосбек Файзуллаев фаолиятида жуда муҳим воқеаларга бой тарзда давом этмоқда. Шу билан бирга 21 ёшли ҳужумкор футболчимиз катта синовларни енгиб ўтишига тўғри келяпти.

2023 йилнинг августида “Пахтакор”дан ЦСКА кўчиб ўтганидан кейин Аббос легионерлик ҳаётига қадам қўйди. Иқтидорли ўйинчимиз ёш бўлишига қарамай, дебют мавсумидаёқ Россия Премьер-лигасида ном қозона олди.

Ўтган йили Аббос халқаро миқёсда ҳам ёшлар, ҳам олимпия ва миллий терма жамоаларда ўйнайди. Ёшлар ўртасида Осиё кубогида муваффақиятли қатнашди ва бунинг самарасида илк маротаба Олимпия ўйинларига йўлланма олган Ўзбекистон олимпия терма жамоаси таркибида Париж майдонларида жавлон урди.

Шу билан бирга Файзуллаев Ўзбекистон миллий терма жамоасининг 2026 йилги жаҳон чемпионати минтақавий саралаш турнири учрашувларида катта ҳамждаги ишларни бажариб келмоқда. Футболчиларимизнинг жаҳон чемпионатига чиққанида Аббоснинг ҳам ҳиссаси жуда катта.

Файзуллаев ҳар қандай ҳолатда ҳам терма жамоа учун жуда зўр ўйнайди. Бироқ жорий мавсум ЦСКА клубидаги ўйинларида бироз пасайиш кузатилди. Экспертлар бу ҳолатни таҳлил қилавериб чарчади. Хулоса шу бўлдики, ЦСКАни тарк этган сербиялик бош мураббий жамоанинг ўйин услуби ва Файзуллаевнинг майдондаги ўрни ҳамда вазифаларини ўзгартиргани Аббоснинг самарадорлигиг салбий таъсир қилди.

Орада айрим мутахассислар “армиячилар”ни ўзбек легионеридан тезроқ қутилишга, вазият тақозо этса, уни ижарага бериб юборишга чақирган ҳолатлар ҳам бўлди.

ЦСКАнинг собиқ футболчиси Валерий Масалитин Аббосбек Файзуллаевнинг фаолияти ва клубдаги истиқболи бўйича ўз қарашларини билдирди.

- Файзуллаев шу пайтгача чап қанот ҳужумкор футболчиси вазифасини бажариб келган ва кўпроқ эркин тўп тепишга мослашган. Бу ҳолатда унинг орқасида мухлислардан бошқа ҳеч ким бўлмайди. Олдида эса, фақат рақиб ҳимоячиси туради.

Янги схема бўйича у майдон марказига кўчиб ўтяпти ва бу позицияда ўзининг энг кучли томонларини кўрсата олмай қоляпти.

Аббосбек Файзуллаев эркин ижодкор сифатида ўйнайди, унга майдонда кўпроқ эркинлик керак, ҳозир эса, ундан доимий прессинг ва мунтазам ҳимояга қайтиш талаб қилинмоқда.

Ҳаммамиз ҳам Аббоснинг жисмоний куч-қуввати ва аптропометрик кўрсаткичлари рақибни тана билан суриб ташлаш учун камлик қилишини яхши билиб турибмиз-ку. Шунинг учун ҳам Аббоснинг ўйинида вақтинчалик пасайиш юз бергани табиий ҳол.

Файзуллаев шу ҳолатда ҳам жамоага фойда келтириши мумкинми? Ҳа, шундай қила олади. Шу боис, уни ижарага жўнатишнинг ҳожати йўқ. Аббосни йўқотмаслигимиз керак. У жуда тезкор, курашувчан ва иштиёқ баланд футболчи, - деди Валерий Масалитин.

Эслатиб ўтамиз, Аббосбек Файзуллаев якунланган мавсумда ЦСКА сафида барча турнирларда 39 та учрашувда иштирок этиб, учта гол ва саккизта ассист муаллифи бўлди. Легионеримиз жамоаси билан Россия чемпионатининг бронза медали ҳамда мамлакат кубогини қўлга киритди.

Пеп, бизни Ҳусановнинг ўйинини кўришдан айирма!

“Манчестер Сити” фанатлари Ҳусановни “тинч” қўймаяпти!

Шомуродов Гасперининг ҳар қандай синовига тайёр!

 

Ҳусанов бошланиши, ўзбек футболчилари Европани забт этади!

Файзуллаев ўзини "қийнаган" мураббийдан қутилди!

Ўзбекистондек мундиалга чиқиш учун футболдан бегона одамларни йўқотиш керак!

Ҳусановнинг “Манчестер Сити”даги келажаги муҳим қарорга боғлиқ?