Файзуллаев келаси мавсумни қайси жамоада бошлайди?
- 26-май 2024, 09:00
- Zohir Toshxo’jayev
- 0
- Футбол
Россия Премьер-лигасининг навбатдаги мавсуми ҳам якунига етди. Чемпионлик яна Санкт-Петербургнинг “Зенит”жамоасига насиб қилди.
Бу йил ўзбекистонлик футбол ишқибозлари ЦСКА ва “Рубин” жамоаларига мухлислик қилди. Москваликлар мусобақани олтинчи поғонада, қозонликлар саккизинчи ўринда якунлади.
“Рубин”даги легионерларимиз Рустам Ашурматов ва Умарали Раҳмоналиев учун юқори дивизиондаги дебют мавсум муваффақиятли ўтди. “Армиячилар” сафида илк бор легионер сифатида ўйнаган Аббосбек Файзуллаев Россия Премьер-лигасининг қаҳрамонларидан бирига айланди.
Аббосбек Файзуллаев чемпионатнинг сўнгги ўйинидан кейин ўз фикр-мулоҳазалари билан ўртоқлашди.
- “Пахтакор” ва “Зенит”да чемпионлик руҳияти бор. Бу уларга чемпионатда ғолиб чиқишга ёрдам беради.
ЦСКА ҳам шундай бўлиши учун ўйинларга яхшироқ тайёрланиш керак, учрашув охирида гол ўтказиб, муҳим очколарни қўлдан чиқармаслик учун диққат-эътиборни охиригача сақлаб туриш лозим. Бу кўпроқ психологияга боғлиқ масала.
Мавсум оғир ўтди. Биз истагандек бўлмади. Биз чемпионлик учун курашишни хоҳлаган эдик, айрим ўйинларда қимматли очколарни йўқотдик ва айнан мана шу нарса халақит берди.
Келаси мавсумда ЦСКА ҳақиқатан чемпионлик учун кураша олади.
ЦСКА қоламанми? Футболда ҳамма нарса бўлиши мумкин. Ҳозир биринчи навбатда дам олишни хоҳлайман. Футбол ҳақида ўйламасдан, шунчаки ҳордиқ чиқарган ҳолат анчадан бери бўлмади. Чарчоқ йиғилиб қолди, чунки жуда кўп ўйин ўтказдим, - деди Аббосбек Файзуллаев.
“Пахтакор” тарбияланувчиси ҳисобланган Аббосбек Файзуллаев ўтган йилнинг август ойида ЦСКАга кўчиб ўтди. Унинг шартномаси 2026 йилнинг яримигача тузилган.
20 ёшли ҳужумкор футболчининг трансфери “армиячилар”га 500 минг еврога тушган. Айни пайтда Transfermarkt портали ўзбек ўйинчисини 5 миллион еврога баҳоламоқда.
Жорий мавсумда ЦСКА сафида барча турнирларда 31 та ўйинда қатнашган Файзуллаев бешта гол ва 13 та ассист муаллифи бўлди.
Францияда Ҳусановни танлашди!
Хорижлик футболчилар Файзуллаевга қандай баҳо берди?
Машҳур мураббий ўзбек футболини Қозоғистонникидан устун қўйди
Файзуллаев: Нималар деяпмиз, ҳеч қачон спиртли ичимлик ичмаганман!
Бу мағлубият Файзуллаев учун аламли бўлди
Файзуллаев кутилмаган "синов"ни қандай енгиб ўтди?