Фарруҳ Сайфиев "Пахтакор" ва Суперлигада ушбу кўрсаткич бўйича етакчи (фото)

"Пахтакор" клуби статистик маълумотни тақдим этди. Унга кўра, якунига етган мавсумда қанот ҳимоячиларининг голли узатмалари борасида ўзларини кўрсатишгани юзасидан хабар берилмоқда.

Жумладан, Фарруҳ Сайфиев Суперлигада 8, Ҳожиакбар Алижонов эса 7 марта голли узатмалар муаллифига айланишди. Жамоанинг чемпионатдаги ярим голларида айнан улар иштирок этишган.

Сайфиев нафақат “Пахтакор”, балки Суперлиганинг энг яхши ассистенти бўлди. Шунингдек, Дилшод Саитов ҳам барча мусобақаларда 6 бор шерикларига гол уришда сўнгги узатма билан кўмаклашган.

Қуйидаги жадвалда Суперлига, ОЧЛ ва Кубок (Ўзбекистон Кубоги ва Суперкубок)даги кўрсаткичлар акс этган.