Фарғонадаги водий дербиси қандай ўтди?

 

Суперлиганинг 24-туридаги марказий ўйин Фарғонадаги “Истиқлол” стадионида бўлиб ўтди. Унда водий дербиси доирасида “Нефтчи” ва “Андижон” клублари беллашдилар. Биласизлар, ҳамма вақт мазкур клублар иштирокидаги баҳсга қизиқиш катта бўлади.

Чемпионлик учун курашаётган “Нефтчи”га қарши беллашув ҳар бир жамоа учун оғир ўтиши олдиндан маълум. Бир сўз билан айтганда, дербида икки томонга қийин бўлиши аниқ эди ва амалда ҳам шундай бўлди. Стадиондаги муҳит ҳам кутилганидек “оловли” бўлди. “Нефтчи” ва “Андижон” ишқибозлари сариқ ва қизилга бўянган ҳолда ўз суюклиларини фаол қўллаб-қувватлаб турдилар.

Учрашувни жамоалар эҳтиёткорлик билан бошладилар. Чунки ўйиннинг аҳамияти юқори эди. “Нефтчи” ўз уйида ҳужумкор футбол кўрсатиши табиий эди. Шунга қарамай, “Бургутлар” ҳар бир позицияда рақибига жиддий қаришилик кўрсатди. Беллашув бошларида эса Дониёр Абдуманнопов ўз қанотидан хавфли рейд уюштирди, бироқ якунда бироз омад юз ўгирди.  

Бўлим охирларида мезбонлар аъзоси Аброр Исмоилов аниқ зарбаси билан учрашувда ҳисобни очди. Иккинчи бўлимни “Андижон” фаолроқ бошлади. Лекин ҳужумлар голгача етиб бормади. Ўйинни ўзгартириш учун мураббийлар янги кучларни ҳам захирадан майдонга туширишди. Лекин кутилмаган хатодан кейин майдон эгалари иккинчи тўпни киритишди. Айнан ушбу гол учрашувда охиргиси бўлиб қолди.

“Андижон” кучли рақибга қарши кураш олиб борди. Аммо водий дербисида омад мезбонларга кулиб боқди. 

“Нефтчи” - “Андижон” - 2:0 (1:0).

5 октябрь. Фарғона. “Истиқлол” стадиони. 15201 томошабин.

Ҳакамлар: Аскер Нажафалиев, Алишер Усмонов, Санжар Шоюсупов.

Захира ҳаками: Умиджон Раҳимжоноа

Назоратчи: Бахтиёр Тоғаев

Комиссар: Қудрат Мадраимов

“Нефтчи”: Ботирали Эргашев, Боян Цигер, Анвар Ғофуров, Муҳсин Убайдуллаев, Фарруҳ Сайфиев, Йован Жокич, Икром Алибоев, Аброр Исмоилов, Алишер Одилов (Владимир Йовович, 78), Жамшид Искандеров (Қувондиқ Рўзиев, 89), Жоэл Кожо (Шахзод Неъматжонов, 89).

“Андижон”: Эржан Токотаев, Абубакир Ашуров, Суннатиллоҳ Ҳамиджонов, Кристиан Новак, Сардор Азимов, Муҳаммадкарим Тоиров, Дамир Темиров (Отабек Жўрақўзиев, 46), Саидумархон Саиднуруллаев (Шохжаҳон Ёрқинбоев, 88), Усмонали Исмоналиев (Муҳаммадали Усмонов, 74), Дониёр Абдуманнопов (Бектемир Абдуманнонов, 63), Исмоил Акинаде (Абдураҳмон Абдуллаев, 74).

Голлар: Аброр Исмоилов, 44 - 1:0. Жоэл Кожо, 77 - 2:0.

Огоҳлантиришлар: Сардор Азимов, 36. Усмонали Исмоналиев, 70.