ФАКТ! "Пахтакор" "Насаф"нинг Суперлигадаги ғалабали сериясига якун ясади (фото)

Ўзбекистон Суперлигаси 24-туридан ўрин олган "Пахтакор" - "Насаф" баҳси якунланди. Унда томонлар 1:1 ҳисобида дуранг ўйнади.

Меҳмонлар сафида ягона голга Шерзод Насруллаев муаллифлик қилди. Унинг голига жавобан иккинчи бўлимда Ҳожимат Эркинов мувозанатни тиклади. 

Шу тариқа, "Насаф"нинг Суперлигадаги 4 ўйинлик ғалабали серияси якунига етди. Қаршиликлар "Пахтакор"га қадар "Олимпик" (1:3), "Нефтчи" (2:0), "Металлург" (2:0) ва "Навбаҳор" (0:1)ни мағлуб этишга муваффақ бўлганди. Охирги бор Рўзиқул Бердиев шогирдлари 19-тур доирасида "Бунёдкор"га ютқазиб қўйганди. 

Маълумот ўрнида, "Насаф" 25-турни ўз майдонида ўтказади. Унда "аждарлар"га Жиззахнинг "Сўғдиёна" клуби рақиблик қилади.