Фабрегас Ямални Месси билан таққослади

Ҳозирда Италиянинг “Комо” клуби бош мураббийи сифатида фаолият юритиб келаётган испаниялик собиқ футбол юлдузи Сеск Фабрегас “Барселона” вингери Ламин Ямални аргентиналик Лионель Мессига таққослашаётгани ҳақида ўз фикр билдирди.

“Менга бундай таққослашлар ёқмайди, чунки ҳар бир футболчи индивидуалдир. Ямал футболда ўз йўлини топиши керак. Лекин, албатта, уни Мессига ўхшатишга мажбур қиладиган аломатлар кўп", - деди испаниялик мутахассис ESPN нашрига берган интервьюсида.

17 ёшли Ямал айни дамда Трансфермаркт портали томонидан 150 миллион еврога баҳоланмоқда. У Ла Лиганинг жорий мавсумида 9 та ўйин ўтказиб, 4 та гол урди ва 5 та голли узатмани амалга оширди.