"Эвертон" Грилишни фақатгина бир мавсум учун ижарага олмоқчи

"Эвертон" Жек Грилишни ўз сафига қўшиш бўйича музокараларни бошлади. Инсайдер Фабрицио Романонинг хабар беришича, клуб мутасаддилари "Манчестер Сити" вингерини фақат бир мавсумлик ижара асосида таклиф қилмоқда.

Англиялик футболчи учун сотиб олиш шартлари муҳокама қилинмаяпти. Шунингдек, "Эвертон" унинг маошининг фақат бир қисмини тўлашга тайёр.

29 ёшли Грилиш 2024/25 йилги мавсум Англия Премьер-лигасида 20 ўйинда майдонга тушиб, 1 гол урди. Унга бошқа клублар ҳам қизиқиш билдириб ва вазият ривожини кузатиб боришмоқда.