Эрон Про-лигаси. Остон Ўруновнинг голи "Персеполис"га ғалаба келтирди

Эрон Про-лигасининг 11-турида "Персеполис" жамоаси сафарда "Шамс Азар" билан куч синашиб, 2:1 ҳисобида муваффақиятга эришди. Ғалаба голига эса ҳамуртимиз Остон Ўрунов муаллифлик қилди. 
  
Дастлаб, тўқнашувнинг 6-дақиқасида Амир Реза ҳисобни очди. 18-дақиқада эса Саиб Моҳеби орадаги фарқни йўққа чиқазган ҳолда, ҳисобни тенглаштиришга муваффақ бўлди. 74-дақиқада эса миллий терма жамоамиз футболчиси Остон Ўрунов гол уриб, "Персеполис"нинг ғалаба қозонишини таъминлади. 
  
Эслатиб ўтамиз, "Персеполис" 11 та учрашувдан сўнг онлайн турнир жадвалида 18 очко билан етакчилик қилмоқда.