Энрике: "Бизнинг мақсадимиз кетма-кет Чемпионлар лигасини қўлга киритиш"

ПСЖ бош мураббийи Луис Энрике жамоанинг янги мавсумдаги мақсадлари ҳақида гапирди.

"Тарихга киришда давом этиш. Бу ерга келган биринчи кунимдан бери кўзлаган мақсадим шу. Ҳозирча буни уддалаяпмиз, аммо кетма-кет икки марта Чемпионлар Лигасида ғолиб чиқиш жуда қийин. Лекин бизнинг мақсадимиз шу. Биз жуда интилувчан жамоамиз. Қийин бўлишини биламиз, лекин бундай менталитет учун бу нормал ҳолат. Ҳаммаси ўзимизга, даражамизга боғлиқ бўлади", - дея Энрикенинг сўзларини келтирди RMC Sport.

Ўтган мавсумда Франция гранди турнир финалида "Интер"ни 5:0 ҳисобида мағлуб этиб, Чемпионлар Лигасида ғолиб чиққан эди. Шунингдек, Энрике жамоаси Франция чемпиони бўлди ва мамлакат кубоги ва суперкубогини қўлга киритди.