Энг зўр бразилиялик футболчи ким бўлди?
- 28-ноябр 2023, 15:55
- Zohir Toshxo’jayev
- 0
- Футбол
“Реал” ва Бразилия терма жамоаси ҳужумчиси Винисиус Жуниор 2023 йилдаги натижаларига кўра, Samba Gold (“Олтин самба”) соврини билан тақдирланди.
Бу соврин қаерда тўп тепишидан қатъи назар йил давомида энг яхши, деб топилган бразилиялик футболчига берилади.
Винисиус Жуниор сўровномада Европа футболини тарк этиб, Саудия Арабистонининг “Ал-Ҳилол” жамоасига кўчиб ўтган Неймарни ортда қолдирди.
Учинчи ўрин ПСЖга сардорлик қилаётган ҳимоячи Маркинсьосга насиб қилди.
“Олтин самба” соврини 2008 йили жорий қилинган. Унинг биринчи лауреати “Реал”да ўйнаган Кака ҳисобланади. Аввалига бу соврин фақат Европада тўп тепаётган ўйинчиларга берилган. 2021 йилдан бери “Олтин самба” дунёнинг ҳар қандай мамлакатида юқори кўрсаткичларни қайд этаётган бразилиялик чарм тўп усталарига тақдим этилмоқда.