Энди бу позицияда ўзбек легионери ўйнайди!
- 16-июн 2024, 23:59
- Zohir Toshxo’jayev
- 0
- Футбол
Якунланган мавсумда Аббосбек Файзуллаев Россия Премьер-лигасида ЦСКА шарафини муносиб ҳимоя қилган бўлса, ярим ҳимоячи Умарали Раҳмоналиев ва ҳимоячи Рустамжон Ашурматов “Рубин”да ўйнади.
Мавсум 27 ёшли Рустам Ашурматов учун мувафффақиятли ўтди, дейиш мумкин. 2023 йилнинг бошида “Рубин” қўшилган ҳамюртимиз якунланган мавсумда илк бор Премьер-лигада иштирок этди.
Чемпионатнинг иккинчи ярмидан Рустам Ашурматов жамоа асосий таркибининг муқим ўйинчисига айланди.
Қозон шаҳри шарафини ҳимоя қилаётган клуб жамоа марказий ҳимоячиси Александр Мартинович билан хайрлашганини расман маълум қилди. “Рубин”га 2022 йилнинг ёзида олиб келинган беларуслик асосий таркиб ўйинчиси бўлган. легионер жамоага Рустам Ашурматов келгунига қадар асосий таркиб ўйинчиси эди.
“Рубин” клубида ҳимоячилар ўртасида рақобат катталиги боис, раҳбарият Александр Мартиновичга жавоб бериб юборган. Тажрибали футболчи майдондаги позиция жиҳатидан Рустамжон Ашурматов билан бир жойда ўйнайди. Яъни, ҳар иккисининг асосий амплуаси марказий ҳимоячи ва қўшимчасига ўнг қанот ҳимоясида ҳам ўйнай олади.
Қолаверса, жамоада легионеримиздан ташқари, Егор Тесленко, Алексей Грицаенко, Игор Вуячич каби моҳир марказий ҳимоячилар бор.
Эслатиб ўтамиз, Рустамжон Ашурматов Россия Премьер-лигасида 14 та учрашувда қатнашиб, ўз ҳисобига битта гол ёздириб қўйди. Ҳимоячимиз мамлакат кубогида ҳам беш маротаба майдонга тушди ва рақиб дарвозасини ишғол қилишга муваффақ бўлди.
Премьер-дигани саккизинчи ўринда якунлаган лига дебютанти “Рубин” келаси мавсумда юқори ўринлар учун курашишни мақсад қилган.
Жамоа футболчилари 20 июнь куни таътилдан қайтади. Эртасига улар тиббий кўрикдан ўтказилади. Ўқув-машғулот йиғини Қозон шаҳрида ташкил этилади.
Россия Премьер-лигасининг 20 июль куни старт олади.