Эмилиано Мартинес: "Копа Америка" ва келгуси жаҳон чемпионатида ҳам зафар қучмоқчимиз!"

Аргентина терма жамоаси ва "Астон Вилла" клуби посбони Эимилиано Мартинес навбатдаги жаҳон чемпионатидаги имкониятлари ҳақида гапирди. 

"Мен дарвозада турганимда, ўйлашимча, биз энг кучлиси бўламиз. Биз "Копа Америка"ни, Италияга қарши суперкубок ўйинини ва жаҳон чемпионатини ютдик. 

Икки йилда ютиш мумкин бўлган барча совринларни қўлга киритдик. Эндиги мақсад олдимизда турган "Копа Америка" ва жаҳон чемпионатида ҳам зафар қучмоқчимиз!", - деди дарвозабон. 

Эслатиб ўтамиз, Аргентина терма жамоаси Қатарда бўлиб ўтган мундиалда ғолибликка сазовор бўлди. "Кумушранг ўлка" вакиллари финалда Францияни мағлеб этганди.