ЕЛ. "Астон Вилла" ва "Рома" қийинчилик билан 3 очкони қўлга киритди

Европа лигасининг 5-туридан ўрин олган навбатдаги икки тўқнашув якунланди. 
 
Унаи Эмери бошчилигидаги "Астон Вилла" бу турда "Янг Бойз" билан куч синашиб, 2:1 ҳисобида муваффақиятга эришди. Англия клубининг икки голига ҳам Мален муаллифлик қилди. Нидерландиялик ҳужумчи учрашувнинг 27 ва 42-дақиқаларида гол уриб, дублни расмийлаштирди. Маленнинг икки голига Жоэл Монтейру 90-дақиқада жавоб берди ва ҳисобни 2:1 кўринишига келтирди.
 
"Рома" эса ўз майдонида "Митьюлланд" билан баҳс олиб бориб, 2:1 ҳисобида зафар қучди. Тўқнашувнинг 7-дақиқасидаёқ Нейл Эль-Айнауи ҳисобни очишга муваффақ бўлди. 83-дақиқада эса Стефан Эль-Шаарави римликларнинг иккинчи голини киритди ва фарқни 2 тага етказди. Лекин 87-дақиқада Паулиньо ҳисобни қисқартирди, аммо жамоаси қолган дақиқаларда ҳисобни тенглаштира олмади.