"Экитике терма жамоага муносиб эмас"

Камерун терма жамоаси бош мураббийи Марк Брис "Ливерпуль" ҳужумчиси Уго Экитикени жамоага таклиф қилиш ҳақида ўйламаганлигини айтди. Экитике Франция ва Камерун фуқаролигига эга. Шу билан бирга, у илгари Франция ёшлар терма жамоаларида ўйнаган.

- Мен Экитике билан боғланмадим. Сабабини тушунтираман. У Франция термасида ҳаракат қилиш учун бор кучини сарфлади, аммо уддалай олмади. Энди биз, Камерун, унинг иккинчи танлови бўлишимиз керакми? Мен кимнингдир иккинчи танловига айланишни хоҳламайман. Бизда чин юракдан ўйнайдиган яхши футболчиларимиз бор. Менга айнан шундай ўйинчилар керак. Унинг яхши футболчи эканлигига шубҳам йўқ. Аммо ҳозирги вазиятда у бу ерда бўлишга муносиб эмас", - деди мураббий.

Маълумот учун, ёзги трансферлар ойнасида Уго Экитике "Айнтрахт"дан "Ливерпуль"га ўтган эди.