Эдгар Давидс яна мураббийликка қайтди

Голландиялик футбол юлдузи Эдгар Давидс яна мураббийлик фаолиятини бошлади.

47 ёшли Давидс Португалиянинг 3-дивизионида иштирок этувчи "Ольяненсе" жамоаси бошқарувини ўз қўлига олди. У бу ҳақда ўзининг инстаграмдаги саҳифаси орқали хабар берди.

"Ольяненсе" айни дамда мусобақа жадвалида 3-ўринда бормоқда. Давидсга жамоани элитага олиб чиқиш вазифаси қўйилган.

Эдгар Давидс 2012-2014 йилларда Англиянинг "Барнет" клубини бошқарган. Футболчи сифатида "Аякс", "Милан", "Ювентус", "Барселона", "Интер", "Тоттенхэм" ва "Кристал Пэлас" клубларида ўйнаган.