Эдерсон "Манчестер Сити" билан хайрлашди

Истанбулнинг "Фенербахче" клубига янги келган бразилиялик дарвозабон Эдерсон Мораэс Англиянинг "Манчестер Сити" клубидаги фаолияти ҳақида фикр билдирди.

"Мен фахр туйғуси билан кетяпман. Биз биргаликда жуда кўп нарсага эришдик. Бу либосни кийганимдан фахрланаман. Гвардиола билан АПЛ ва Чемпионлар Лигасида ақл бовар қилмайдиган ғалабаларга эришдик. "Сити"даги барча собиқ жамоадошларим ва клуб мухлисларига раҳмат айтмоқчиман. Бу ҳаётимдаги ўзига хос босқич бўлди", - дея дарвозабоннинг сўзларини келтиради инглиз клуби матбуот хизмати.

Эдерсон саккиз йил давомида "Ман Сити" шарафини ҳимоя қилди. "Шаҳарликлар" билан биргаликда бразилиялик посбон 18 та совринни қўлга киритди.