ЕЧЛ. Собослаининг сўнгги дақиқаларда киритган голи "Ливерпуль"га ғалаба келтирди

Европа Чемпионлар лигасининг 6-турида Арне Слотнинг "Ливерпуль"и Италияда "Интер" меҳмони бўлди ва 88-дақиқадаги гол эвазига 3 очкони қўлга киритди. 
 
Беллашувдаги ягона голни Доминик Собослаи киритди ва мерсисайдликларнинг ғалабасини таъминлади. Бундан ташқари, учрашувнинг 32-дақиқасида Конате гол урган эди, лекин тўп қўлга теккани сабаб, гол бекор қилинди. 
 
Эслатиб ўтамиз, англиялик ушбу баҳсдаги ғалаба орқали очколарини 12 тага етказди ва 8-ўринга кўтарилди. "Интер" ҳисобида ҳам 12 очко мавжуд. Миланликлар эса 5-ўринни эгалламоқда.