ЕЧЛ. "Ньюкасл" сафарда "Қорабоғ"ни янчиб ташлади

Англиянинг "Ньюкасл Юнайтед" жамоаси Чемпионлар лигаси плей-офф босқичи илк учрашувида сафарда "Қорабоғ"ни 6:1 ҳисобида мағлубиятга учратди.

Ҳисоб 3-дақиқада Энтони Гордон томонидан очилди. Орадан беш дақиқа ўтиб, Малик Тиав ҳисобни оширди. 32-дақиқада Гордон пенальтидан дубль расмийлаштирди, 33-дақиқада эса хет-трикка эришди. Биринчи бўлим якунига яқин у яна пенальтидан гол уриб, покер муаллифига айланди.

Иккинчи бўлимда Эльвин Жафаргуллиев 54-дақиқада битта жавоб голини киритди. 72-дақиқада эса Жейкоб Мёрфи "Ньюкасл"нинг олтинчи голига муаллифлик қилди.