ЕЧЛ. "Наполи" Хойлунднинг дубли эвазига "Спортинг"дан устун келди, "Ювентус"нинг собиқ футболчиси эса туринликларни ғалабадан маҳрум этди

Европа Чемпионлар лигасининг 2-туридан ўрин олган сўнгги тўқнашувлар ҳам ўз ниҳоясига етди. 
 
Антонио Конте бошчилигидаги "Наполи" ўз уйида "Спортинг"ни қабул қилиб, 2:1 ҳисобида таслим этди. 
 
Манчестерликларнинг собиқ икки футболчиси ўйин тақдирини ҳал қилди. Кевин де Брюйнедан икки ассист, Расмус Хойлундан икки гол. 
 
Шунингдек, Игор Тюдор бошқарувидаги "Ювентус" клуби ҳам сафарда "Вильярреал" билан тўқнаш келиб, 2:2 ҳисобидаги дурангга имзо чекди. 
 
18-дақиқада Жорж Микаутадзе ҳисобни очган бўлса, 49-дақиқада Федерико Гатти қайчи услубида чиройли зарба йўллаб ҳисобни тенглаштирди. Орадан 7 дақиқа ўтиб эса Франсишку Консейсау гол уриб, жамоасини ҳисобда олдинга олиб чиқди. Туринликларнинг собиқ футболчиси Ренату Вейга 90-дақиқада собиқ жамоасига гол уриб, ҳисобни 2:2 кўринишига келтирди.