ЕЧЛ. Мбаппе 2 бора пенальтидан гол уриб, жамоасининг ғалабасини таъминлади

УЕФА Чемпионлар лигасининг 1-туридан ўрин олган "Реал Мадрид" - "Марсель" клублари ўртасидаги беллашув ўз ниҳоясига етди. Хаби Алонсо бошқарувидаги "қироллик клуби" камбек амалга оширган ҳолда, 2:1 ҳисобида ғалаба қозонди. 
 
Дастлаб, тўқнашувнинг 22-дақиқасида Веа ҳисобни очишга муваффақ бўлди. Унинг голига эса франциялик юлдуз ҳужумчи ҳисобланган Килиан Мбаппе 28 ва 81-дақиқаларда 11 метрлик жарима зарбасидан унумли фойдаланиб, жавоб берди. Ушбу ғалаба орқали "қаймоқранглилар" ЧЛнинг янги мавсумини муҳим ғалаба билан бошлади.