ЕЧЛ. Ҳусанов 65 дақиқа ҳаракат қилган баҳсда "Манчестер Сити" "Байер"га имкониятни бой берди

УЭФА Чемпионлар лигасининг 5-туридан ўрин олган беллашув ўз ниҳоясига етди. 
 
Хосеп Гвардиола бошчилигидаги "Манчестер Сити" ўз уйида Германиянинг "Байер" клубини қабул қилиб, 2:0 ҳисобида аламли тарзда мағлубиятга учради. Ҳамюртимиз ва терма жамоамиз аъзоси ҳисобланган Абдуқодир Ҳусанов беллашувни асосий таркибда бошлаб, 65 дақиқа ҳаракат қилди. 
 
Биринчи бўлимнинг 23-дақиқасида Алехандро Гримальдо ҳимоячиларнинг хатосидан унумли фойдаланиб, ўйиндаги ҳисобни очди. 54-дақиқада эса Патрик Шик фарқни 2 тага етказиб, жамоаси муҳим ғалабани қўлга киритишига катта ҳисса қўшди.