Дзюдо. Терма жамоамизжаҳон чемпионатини фантастик тарзида бошлади!

Болгариянинг София шаҳрида старт олган дзюдо бўйича ўсмирлар ўртасидаги жаҳон чемпионатининг биринчи кунги саралаш беллашувлари якунига етди.

Терма жамоамиз эса мусобақани фантастик тарзида бошлади.

Уч олтин — Ўзбекистон ғазнасида!

Дилафруз Болтабоева (-40 кг) — жаҳон чемпиони бўлган учинчи ўзбек қизи! Диёра Келдиёрова ва Барчиной Қодированинг Босниядаги тарихий ғалабасидан кейин Ўзбекистон кадетлар ўртасидаги жаҳон чемпионатида яна олтин медалга эга чиқди. Кучли характер ва ёрқин финал - муносиб ғалаба!

Хушнуд Султонов (-50 кг) — букилмас ирода ва ҳар бир ҳаракатига бўлган ишонч. Унинг олтин медали шу куни жамоанинг иккинчи чўққиси бўлди.

Хушнудбек Бурхонов (-55 кг) — чақмоқдек тезкор ва муросасиз! У терма жамоамизнинг умумий ғалабасини учинчи олтин медал билан мустаҳкамлади.

Бу ҳақда МОҚ хабар бермоқда.