Дзюдо. Ўзбекистон терма жамоаси 10 давлат орасида 1-ўринни эгаллади!

Қозоғистоннинг Актау шаҳри мезбонлик қилган Халқаро дзюдо федерацияси (IJF) тақвимидан ўрин олган турнир ўз якунига етди. 

Икки кун давомида дунёнинг ўнта давлати вакиллари иштирокида ўтган мусобақада Ўзбекистон терма жамоаси 5 та олтин, 3 та кумуш, 8 та бронза, жами 16 та медал билан умумжамоа ҳисобида 1-ўринни эгаллади. Қозоғистон терма жамоаси 4 та олтин, 5 та кумуш, 15 та бронза медали билан 2-ўриндан жой олган бўлса, 3 та олтин, 4 та кумуш, 3 та бронза медалини қўлга киритган озарбайжонлик дзюдочилар кучли учликка якун ясашди.  

Шоҳсупага кўтарилган дзюдочиларимиз:

Олтин:
-48 кг: Фотимахон Турсунбоева 
-63 кг: Маржона Нуруллоева 
-78 кг: Шинар Ибраева 
-100 кг: Эрназар Сарсенбаев
+100 кг: Муҳаммадқодир Мансуров 

Кумуш:
-73 кг: Обидхон Номонов
-90 кг: Умар Бозоров
+100 кг: Зуфар Ўролов

Бронза:
-48 кг: Улбусин Ҳакимова 
-52 кг: Сита Кадамбаева 
-57 кг: Моҳинур Аллаберганова 
-70 кг: Ширинжон Юлдашева
+78 кг: Дурдона Низомаддинова
-81 кг: Муроджон Йўлдошев
-90 кг: Улуғбек Ўроқов
+100 кг: Абдулла Худоёров

Бу ҳақда Ўзбекистон дзюдо федерацияси матбуот хизмати хабар бермоқда.