Дзаньоло ўзига янги жамоа танлади

“Рома”дан кетишга ҳозирлик кўраётган Николо Дзаньоло “Милан” клуби билан шахсий шартнома борасида келишувга эришди. Бу ҳақда таниқли журналист  Николо Скира хабар берди.

Манбанинг таъкидлашича, миланликлар 23 ёшли италиялик футболчига 2027 йилнинг ярмигача давом этадиган шартнома таклиф қилган. Унга кўра, Дзаньоло ҳар мавсум учун 3,5 миллион евро маош олади. Ўйинига қараб, унга турли бонуслар ажратилиши ҳам белгиланган.

Дзаньолонинг ўзини ҳам фаолиятини “Милан”да давом эттириш варианти тўлиқ қониқтириши айтилмоқда.

Энди буёғига миланликлар “Рома” раҳбарияти билан учрашиб, трансферни расмийлаш учун ўзаро келишиб олиши талаб этилади.