"Диёраларни эплаб бўлмаяпти"! Терма жамоамиз футболчиси "Трабзонспор" клубига кўчиб ўтди

Ўзбекистон аёллар терма жамоаси аъзоси Диёра Хабибуллаева фаолиятини легионер сифатида давом эттирадиган бўлди. 

ЎФА матбуот хизмати берган хабарга кўра, у Туркиянинг "Трабзонспор" клубига кўчиб ўтди. 

Бир неча кундан сўнг (15 сентябрь) 25 ёшни қарши оладиган футболчимиз "Сўғдиёна - W"даги фаолияти билан ном қозонган. Бундан ташқари, у 2021 йили Ўзбекистонда "Йилнинг энг яхши аёл футболчиси" номига сазовор бўлган. Шунингдек, Диёра 2021-2023 йиллар оралиғида кетма-кет уч йил чемпионат тўпурари бўлган ва 2023 йилги мавсумда 61 бор рақиблари дарвозасини ишғол қилган.