Диллон Дэнис: "Жек Делла Маддалена, Хамзат Чимаев ва Ислам Махачев - мен учун осон "ўлжа"!"

Ярим оғир вазн тоифасида "MisFits" Чемпионлар Лигаси ғолиби ҳисобланган, америкалик Диллон Дэнис ўзини UFC нинг етакчи жангчиларига қарши ҳам устунликка эга эканини таъкидлади. 

"Ҳозирги кунда UFC да юлдузлар етишмайди, у ер жуда зерикарли. Бироқ кўплаб мухлислар мени UFC да кўришни истамоқда. Мен ҳар қандай рақибга қарши жанг қилишга тайёрман. Фарқи йўқ — бу Жек Делла Маддалена, Кевин Холланд, Леон Эдвардс, Майкл Пейдж, Хамзат Чимаев ёки Ислам Махачев. Улар мен учун осон "ўлжа". Мен ўзим қанчалик кучли эканимни биламан", — деди Дэнис "Bloody Elbow" нашрига берган интервьюсида.

Эслатиб ўтамиз, Диллон охирги пайтларда UFC га эҳтимолий ўтиши ва машҳур жангчиларга қарши курашиши ҳақидаги баёнотлари билан кўпчилик эътиборини тортмоқда.