Деметриус Жонсон: "Вақтинчалик чемпионлик камари учун Жастин Гэтжи ва Арман Царукян жанг қилиши керак эди"

Енгил вазн тоифасида UFC собиқ чемпиони Деметриус Жонсон таниқли ММА устаси Арман Царукян ва енгил вазнда амалдаги чемпион Илия Топурия ўртасидаги эҳтимолий қарама-қаршилик ҳақида гапирди.

"Арман билан машғулотлардан сўнг, у Топурияни мағлуб этишига ишончим комил бўлди. Царукянда етарлича маҳорат ва чемпионлик менталитети бор. Вақтинчалик камарига келсак, очиғи, Арман бу учун Жастин Гэтжи билан жанг қилиши керак эди, аммо у танланмади. Энди Гэтжи Илияга қарши октагонга чиқади. Шундан кейингина Царукян мазкур жуфтлик ғолиби билан тўқнаш келиши мумкин", – деди Жонсон ўзининг You Tube каналида.

Эслатиб ўтамиз, "UFC 324" турнирида Жастин Гэтжи англиялик Пэдди Пимблеттни енгиб, енгил вазнда вақтинчалик чемпион унвонини қўлга киритди.