Дембеле 10 буюк футболчи қаторига қўшилди

2025 йилги “Олтин тўп” соҳибига айланган “Пари Сен-Жермен” ҳужумчиси Усмон Дембеле жаҳонда жуда кам футболчи эришган натижани такрорлади.

28 ёшли футболчи жаҳон футболидаги энг нуфузли учта соврин – жаҳон чемпионлиги, Европа Чемпионлар лигаси ғолиблиги ва “Олтин тўп”ни қўлга киритган ўнинчи футболчи бўлди.

Дембеле “Олтин тўп” сўровномасида “Барселона” етакчиси Ламин Ямални ортда қолдирди.

Усмон Дембелегача фақатгина тўққиз нафар чарм тўп устаси – германиялик Франц Беккенбауэр ва Герд Мюллер, италиялик Паоло Росси, англиялик Бобби Чарльтон, франциялик Зинедин Зидан, бразилиялик Ривалдо, Кака ва Роналдиньо, аргентиналик Лионель Месси жаҳон чемпиони, Чемпионлар лигаси ғолиби ва “Олтин тўп” соҳиби бўла олган холос.