Деку: "Ямал бутун дунё учун ҳақиқий совға"

"Барселона"нинг спорт директори Деку ёш вингер Ламин Ямалнинг футболдаги аҳамияти ҳақида фикр билдирди.

"Ҳамма Ламинни кўряпти, аммо агар сен "Барса" учун муҳим бўлсанг, демак, бутун дунё учун ҳам муҳимсан. Бу босимни қандай қабул қилишни билиш керак, лекин бу кўпроқ шахсий ривожланиш билан боғлиқ. Биз ўйинчиларга нафақат спорт нуқтаи назаридан, балки майдон ташқарисида ҳам ёрдам беришимиз лозим. Аммо ёш — бу ёш.

Менинг ёшим 48, унинг ёши эса 18, аммо Ламин ажойиб етуклик кўрсатмоқда. Чунки у бошқалардан фарқ қиладиган футболчи. "Барса" ва бутун дунё учун Ламин — бу ҳақиқий совға, биз бу билан фахрланишимиз керак", — деди Деку "Catalunya Radio" эфирида.