Де Росси фаолиятини Россияда давом эттириши мумкин

Мавсум якунлангач "Рома"дан кетиши маълум қилинган ярим ҳимоячи Даниэле Де Россига Европадан ҳам ва унинг ташқарисидан ҳам таклифлар бор.

Маълумотларга қараганда 35 ёшли италиялик футболчига океан ортида "Нью-Йорк Сити" (АҚШ) ва "Бока Хуниорс" (Аргентина) қизиқиш билдира бошлаган. Европадан эса "Манчестер Сити" ва ПСЖ каби грандлар тажрибали футболчини ўз сафида кўрмоқчи.

Айрим манбааларга қараганда Де Росси Санкт-Петербургнинг "Зенит" клубида пайдо бўлиши ҳам мумкин. Гап шундаки, уни питерликлар сафидаги ҳамюрти Клаудио Маркизио Россия чемпиони таркибига чорлаши мумкин.