Даниэль Кормье: "Топурия тез орада енгил вазнга кўтарилади, чунки..."

Икки вазн тоифасида собиқ UFC чемпиони, ҳозирда Шон-шараф зали аъзоси Даниэль Кормье промоушеннинг юлдузи Илия Топурия ҳақида гапирди.

"Ўз дивизионингиздаги энг яхши йигитларни мағлуб этсангиз, чарчашингиз мумкин. Лекин мен жисмоний эмас, руҳий чарчоқни назарда тутяпман. Шу боис Топурия тез орада енгил вазнга кўтарилади, деб ўйлайман. Чунки у ҳам катта номларни енгди”, - деди Кормье ўзининг You Tube каналида.

Эслатиб ўтамиз, Илия "UFC 308" турниридаги сўнгги жангида америкалик Макс Холлоуэйни учинчи раундда нокаутга учратган эди.