ЧЛ. "Бавария" ўз уйида "Челси"ни енгди

УЕФА Чемпионлар лигасининг илк турида Венсан Компани бошқарувидаги "Бавария" ўз уйида Лондоннинг "Челси" клубини қабул қилиб, 3:1 ҳисобида мағлубиятга учратди. 
 
Дастлаб, тўқнашувнинг 20-дақиқасида Чалобах ўз дарвозасини ишғол қилиб, автогол муаллифи бўлди. Шундан сўнг эса 27-дақиқада Харри Кейн 11 метрлик жарима зарбасидан ҳисобни 2:0 кўринишига келтирди. Орадан 2 дақиқа ўтиб Коул Палмер орадаги фарқни қисқартирган эди. Бироқ, иккинчи бўлимнинг 63-дақиқасида англиялик форвард дублни расмийлаштирган ҳолда, германияликларнинг ғалабасига катта ҳисса қўшди. Шунингдек, Палмер ҳам ўйин якунланаётганда дубль муаллифи бўлган эди. Лекин гол кейинчалик бекор қилинди.