Чехиянинг учинчи дивизион жамоаси “Глюцин”нинг 24 ёшли футболчиси Лукас Ленерт вафот этди.
Ҳозирча фожианинг сабаблари ҳақида батафсил хабар берилмаган, фақат ўлим зўравонлик ва бахтсиз ҳодиса натижасида содир бўлмагани, балки футболчининг соғлиғидаги қандайдир муаммолар туфайли содир бўлганлиги аниқ.
Айтиш керакки, Ленерт ўтган йилнинг кузида Чехия кубоги доирасида “Глюцин”нинг “Виктория Пльзень” устидан қозонилган сенсацион ғалабасида муҳим роль ўйнаган эди. Гап Чемпионлар лигасида ўйнаган ва мамлакат чемпиони ҳисобланган жамоа ҳақида кетмоқда.
Ленерт “Глюцин” таркибида 2021 йилдан бери ўйнаб келаётган эди.
Изоҳлар (0)
Ҳозирча изоҳлар йўқ