Чемпионларга машина совға қилинади

17 ёшгача бўлган футболчилар ўртасидаги Осиё чемпионати финалида зафар қучиб, чемпионга айланган Ўзбекистон ўсмирлар терма жамоасига машина совға қилинади. 

Бизга маълум бўлишича, чемпионларга "Chevrolet Cobalt", мураббийларга эса "Chevrolet Tracker" берилади. Ислом Исмоилов бошчилигидаги терма жамоамиз бугун 19:00да Ўзбекистонга етиб келади. 

Эслатиб ўтамиз, мезбон Саудия Арабистонига қарши кечга баҳсда вакилларимиз 2 та қизил карточка олганди ва шунга қарамай, мардонаворлик кўрсатиб ғалабани илиб кетди.