"Челси"нинг собиқ футболчиси: Раҳбарият Поттерни ишдан бўшатиб тўғри қилди. Чунки...

“Челси”нинг собиқ ярим ҳимоячиси Жон Оби Микель бош мураббий Грэм Поттерни ишдан бўшатган “аристократлар” раҳбариятининг қарорини маъқуллади.

“Унга етарлича вақт берилдими? Менимча ҳа. Клуб ҳозир қайси ўринда - 11-да?

Менимча, вақт етарли эди ва клуб тўғри қарор қабул қилди.

Бу клуб унинг учун жуда катталик қилдими? Балки. Баъзан менга у нима қилишни билмайдигандек туюларди. У футболчилар билан гаплашмайди, уларга майдонда нима қилиш кераклигини айтмайди.

Менга ҳар доим масъулият юклайдиган, ўзини иштиёқ билан тутадиган мураббийлар ёқади. Мураббийнинг ўйинчиларга бақириши, нима қилиш кераклигини айтиши менга ёқади. Баъзида футболчиларни уйғотиш учун тепиш керак бўлади. Мен Поттернинг ишида бундай нарсани кўрмадим”, - деди жамоанинг нигериялик собиқ футболчиси Dubai Eye радиосига берган интервьюсида.