"Челси"нинг собиқ футболчиси Лига 1 клубига ўтди

"Марсель" Англиянинг "Вест Хэм" клуби ҳимоячиси Эмерсонни ўз сафига қўшиб олди. Бу ҳақда "The Athletic" хабар бермоқда.

Маълумотларга кўра, трансфер 1 миллион евро (бонуслар билан бирга) эвазига амалга оширилган.

31 ёшли футболчи ўтган мавсум АПЛда 31 та ўйинда майдонга тушиб, 2 та гол ва 1 та голли узатма қайд этган. Эмерсон Италия терма жамоаси билан Европа чемпиони бўлган.

У фаолияти давомида "Челси", "Рома", "Лион", "Палермо" ва "Сантос" клубларида ҳам тўп сурган.