"Челси" ўтган мавсум харид қилган футболчисини АПЛнинг бошқа клубига сотиб юбормоқда

"Челси" ярим ҳимоячиси Киран Дюзбери-Холл фаолиятини Англия Премьер-лигасининг бошқа бир клубида давом эттриш арафасида.

Лондонликлар 26 ёшли футболчини "Эвертон"га трансфер қилишга келишиб олди.

Ливерпулликлар белгиланган миқдорда 25 миллион фунт тўлайди. Бонусларни ҳисобга олган ҳолда, битимнинг умумий суммаси 28-29 миллион фунтни ташкил қилиши кутилмоқда.

2024 йилнинг июлида Лондон клуби "Лестер"дан Киран Дюзбери-Холлни 30 миллион фунтга сотиб олганди.

Ўтган мавсумда англиялик хавбек АПЛда 13 та ўйинда майдонга тушиб, 1 та голга ассистентлик қилди ва майдонда ўртача 19 дақиқа ҳаракат қилди.